اسلام آباد، پاکستان کا دورہ کرنے والی نیوزی لینڈ کرکٹ ٹیم کے ہیڈ کوچ گلین پوکنال نے کہا ہے کہ نیوزی لینڈ کرکٹ ٹیم کا پاکستان آنا بہت خوش آئند ہے ، پاکستان میں اٹھارہ سال بعد آرہے ہیں اور جیت کر جانا چاہتے ہیں ۔ نیوزی لینڈ کرکٹ ٹیم کے ہیڈ کوچ گلین پوکنال نے ورچوئل پریس کانفرنس کرتے ہوئے کہا کہ راولپنڈی کرکٹ اسٹیڈیم میں پریکٹس کرنے کا بھر پور مزہ آیا ،کنڈیشنزز اور موسم سے ایڈجسٹ ہونے کی کوشش کر رہے ہیں ۔ انہوں نے کہا کہ بنگلہ دیش کی نسبت پاکستان میں فاسٹ بولرز کا کردارزیادہ نظرآرہا ہے ، بنگلہ دیش میں وائٹ بال کرکٹ کھیلنے کی اچھی پریکٹس ہوئی ہے ۔
