بیجنگ :چین کی وزارت خارجہ کی ترجمان ماؤ نینگ نے یومیہ پریس کانفرنس میں پندرہ اکتوبر کو چین اور شمالی کوریا کے درمیان دریائے یالو کے نئے پل کے افتتاح پر تبصرہ کرتے ہوئے کہا کہ چین اور شمالی کوریا پہاڑوں اور دریاؤں سے جڑے ہوئے دوستانہ ہمسائے ہیں۔ دریائے یالو کا نیا پل دونوں ممالک کے درمیان رابطے کے لیے ایک اہم بنیادی ڈھانچہ ہے۔ اس کے افتتاح سے فریقین کے درمیان اقتصادی، تجارتی اورافرادی تبادلے کو مزید فروغ ملے گا اور دونوں ممالک کے عوام کو پہنچنے والے فوائد میں اضافہ ہوگا۔
