بیجنگ :چینی وزارتِ خارجہ کی ترجمان ماؤ ننگ نے 11 ستمبر کو معمول کی پریس کانفرنس میں عالمی تنظیم برائے دانشورانہ املاک کی جانب سے حال ہی میں جاری کردہ "گلوبل انوویشن انڈیکس” کی دنیا کے 100 سرفہرست جدت طراز کلسٹرز سے متعلق رپورٹ پر تبصرہ کیا۔
رپورٹ کے مطابق چین 25 عالمی سرفہرست جدت طراز کلسٹرز کے ساتھ مسلسل چوتھے سال فہرست میں شامل کلسٹرز کی تعداد کے لحاظ سے دنیا میں پہلے نمبر پر رہا۔ماؤ ننگ نے کہا کہ جدت طرازی پر مبنی ترقی کا بنیادی سبب چینی معیشت کی طویل مدتی مضبوط کارکردگی اور صنعتی مسابقتی صلاحیت میں تیزی سے اضافہ ہے۔ چین کی جدت طرازی پر مبنی ترقی دنیا کے لیے بھی نئے مواقع پیدا کر رہی ہے۔ زیادہ سے زیادہ غیر ملکی کمپنیاں چین میں تحقیق و ترقی اور جدت طرازی کو فروغ دینے اور چین کی وسیع مارکیٹ کے ذریعے عالمی مسابقتی صلاحیت پیدا کرنے کا انتخاب کر رہی ہیں۔
ماؤ ننگ نے کہا کہ چین کی جدت طرازی کا مقصد کبھی اجارہ داری قائم کرنا نہیں رہا۔ چین دنیا کے ساتھ جدت طرازی کے ثمرات بانٹنے اور مشترکہ ترقی کے حصول کے لیے تیار ہے۔
