میرپور :آزاد کشمیر کے ضلع میرپور میں غذائی کمی کا شکار بچوں کے لیے محکمہ صحت عامہ آزاد کشمیر نے یونیسف کے تعاون سے ڈسٹرکٹ ہیلتھ آفس میرپور میں او ٹی پی (Outpatient Therapeutic Program) سنٹر کا باقاعدہ افتتاح کیا ہےاو ٹی پی سنٹر ایسے بچوں کے علاج کے لیے قائم کیا جاتا جو 5 سال سے کم عمر ہوں اور شدید غذائی کمی کا شکار ہوں اور جنکے بازو کی پیمائش کم ہو انکو RUTF کے زریعے علاج کیا جاتا ہے یہاں بچوں کوخصوصی غذائیت سے بھرپور خوراک (Ready-to-Use Therapeutic Food)طبی معائنہ اور باقاعدہ مانیٹرنگ والدین کو غذائیت سے متعلق رہنمائی فراہم کی جاتی ہے۔
ضلع میرپور میں غذائی کمی کے شکار بچوں کی بروقت تشخیص اور علاج ممکن ہوگا،بچوں کی شرح اموات اور بیماریوں میں کمی آئے گی
ماں باپ میں بچوں کی بہتر غذا اور دیکھ بھال سے متعلق آگاہی بڑھے گی یونیسف دنیا بھر میں بچوں کی صحت، تعلیم اور غذائیت کے لیے کام کرتا ہے۔ اس پروگرام میں یونیسف تکنیکی معاونت، غذائی اشیاء اور تربیت فراہم کر رہا ہے یہ اقدام ضلع میں بچوں کی صحت بہتر بنانے کی جانب ایک مثبت پیش رفت ہے، اور امید ہے کہ اس سے غذائی کمی جیسے سنگین مسئلے پر قابو پانے میں مدد ملے گی۔ افتتاحی تقریب میں مہرین گیلانی سینئر چیف ہیلتھ پلانگ اینڈ ڈویلپمنٹ ڈیپارٹمنٹ ، ڈاکٹر فدا حسین ڈسٹرکٹ ہیلتھ آفیسر میرپور ، اورنگزیب مغل کوآرڈینیٹر نیوٹریشن پروگرام محکمہ صحت ، ڈاکٹر حنا رشید پروگرام کنسلٹنٹ سن، کفایت عبدالروف نیٹریشن آفیسر ، خواجہ محمد اقبال کوآرینیٹر سن/ ایڈمن فوکل پرسن یونیسیف( UNICEF) ایونٹس نیوٹریشن پروگرام اور سلمی بخاری ریجنل مینیجر WFP نے شرکت کی۔ ان کے علاوہ ڈی ایچ او آفس میرپور سے ڈاکٹر فاطمہ یعقوب ، وقاص احمد خان ، ڈاکٹر مائیدہ اور فیلڈ سٹاف و کمیونٹی بھی شریک ہوئی۔
