کوئٹہ (آئی پی ایس) وزیراعلیٰ بلوچستان میر سرفراز بگٹی نے کہا ہے کہ دہشت گردوں کے ساتھ مقابلے میں 17 سیکیورٹی اہلکار شہید ہوئے جب کہ 145 دہشتگردوں کی لاشیں ہمارے پاس موجود ہیں۔
کوئٹہ میں پریس کانفرنس سے خطاب کرتے ہوئے ان کا کہنا تھا دہشت گردوں نے 31 معصوم شہریوں کو شہید کیا، گوادر میں دہشتگردوں نے پانچ خواتین اور تین بچوں کو شہید کیا، شہید ہونے والی فیملی کا تعلق خضدار سے تھا اور وہ بلوچ تھے، یہ خود کو بلوچ کہتے ہیں لیکن یہ بلوچ نہیں دہشت گرد ہیں۔
ان کا کہنا تھا افغان سر زمین بھی پاکستان کے خلاف استعمال ہو رہی ہے، اطلاعات ہیں کہ ان دہشتگردوں کے ساتھ افغانی بھی شامل ہیں، آج بشیر زیب، رحمان گل اور اللہ نظر افغانستان میں موجود ہے۔
انہوں نے کہا کہ ہمارے پاس دہشتگرد حملے کی انٹیلی جنس رپورٹ موجود تھی، ہم نے ایک دن پہلے آپریشن شروع کردیا تھا، 145 دہشتگردوں کی لاشیں ہمارے پاس موجود ہیں، یہ لوگ ہندوستان کے ایما پر ایسے واقعات کرکے پاکستان کو غیر مستحکم کرنے کی کوشش کرتے ہیں، جب پاکستان ٹیک آف کرنے کی کوشش کرتا ہے، اس طرح کے واقعات ہوتے ہیں۔
انہوں نے کہا کہ ہم ایک سیکنڈ کیلئے بھی سرینڈر کرنے کیلئے تیار نہیں ہیں، ہم ایک ہزار سال تک ان کے خلاف جنگ لڑیں گے، ہمارا خون سستا نہیں ہے، ہم انہیں جانے نہیں دیں گے، ہم بلوچستان کو ان کے لیے جہنم بنا دیں گے۔
اسلام آباد: ایران کے اسلامی جمہوریہ کے سفارت خانے نے پاکستان میں حالیہ دہشت گردانہ حملوں کی شدید مذمت کی ہے، جس میں بے گناہ افراد اور بہادر سیکیورٹی پرسنل شہید ہوئے ہیں۔
ایران کی حکومت اور عوام کی جانب سے، ہم پاکستان کی حکومت اور محترم عوام، خاص طور پر دکھ کی اس گھڑی میں متاثرہ خاندانوں کے ساتھ تعزیت اور ہمدردی کا اظہار کرتے ہیں۔
ایران کا اسلامی جمہوریہ، اصولاً، تمام اشکال کی دہشت گردی کی سخت مذمت کرتا ہے، جو بین الاقوامی سماج کے لئے ایک سنگین خطرہ ہے۔ ایسے شنیع اعمال، جو اکثر بیرونی عوامل کی حمایت سے کیے جاتے ہیں، کو مشترکہ علاقائی اور بین الاقوامی تعاون سے نمٹنا چاہیے۔
ہم متاثرہ خاندانوں کے ساتھ ہیں اور زخمیوں کی جلد صحت یابی کے لئے دعا گو ہیں۔ اللہ تعالیٰ شہداء کو اعلیٰ درجات عطا فرمائے اور انہیں جنت الفردوس میں ابدی سکون نصیب کرے ¹ ²۔
