بیجنگ: متعدد بین الاقوامی مالیاتی اداروں نے کہا ہے کہ چینی معیشت نے مضبوط لچک اور قوت محرکہ کا مظاہرہ کیا ہے، اور یہ 2026 میں بھی عالمی ترقی میں مزید یقین فراہم کرےگی۔پیر کے روز اپنی تازہ ترین رپورٹ میں، گولڈمین ساکس نے نشاندہی کی ہے کہ چین کی برآمدات "لاگت پر مبنی” ہونے سے "ٹیکنالوجی اور سپلائی چین کی کارکردگی پر مبنی” ہونے کی طرف منتقل ہو گئی ہیں اور چین نے نئے معیار کی پیداواری قوتوں کے میدان میں ایک ناقابل تلافی عالمی پیداواری صلاحیت کا کلسٹر تشکیل دیا ہے۔
یوبی ایس کا ماننا ہے کہ چین کی برآمدات بہت مسابقتی ہیں، اور برآمدی مصنوعات کے ڈھانچے کی اصلاح اور اپ گریڈنگ ابھی بھی جاری ہے جبکہ ہائی ویلیو ایڈڈ اور ہائی ٹیک صنعتوں میں مصنوعات کی مسابقت اور مارکیٹ شیئر میں اب بھی نمایاں اضافہ ہو رہا ہے۔ اس کے ساتھ ساتھ، گھریلو کھپت کی بحالی اور اپ گریشن چین کی اقتصادی ترقی کے لیے اہم سہارہ بن رہی ہے، اور متعدد اداروں نے کنزیومر مارکیٹ کی بحالی کے رجحان کے بارے میں مثبت اندازے لگائے ہیں۔ قابل توجہ بات یہ ہے کہ غیر ملکی اداروں کا عام نقطہ نظر یہ ہے کہ چین کی مستحکم صنعتی اور سپلائی چین کی بدولت ملٹی نیشنل کمپنیوں نے 2026 میں اپنے کاروبار کے لیے چین کو ترجیحی مقامات میں سے ایک قرار دیا ہے ۔
