اسلام آباد(آئی پی ایس) سپریم کورٹ کے سینئر ترین جج جسٹس منصور علی شاہ اور جسٹس اطہر من اللہ نے استعفیٰ دے دیا۔
تفصیلات کے مطابق جسٹس منصور علی شاہ نے 13 صفحات پر مشتمل استعفے میں وجوہات بیان کی ہیں۔
جسٹس منصور علی شاہ نے استعفیٰ اردو میں بھی تحریر کیا ہے اور 27 ویں آئینی ترمیم کو جمہوریت پر کاری ضرب قرار دیا ہے اورکہا کہ عدلیہ کو تقسیم کرکے ملک کو دہائیوں پیچھے دھکیل دیا گیا ہے۔
سپریم کورٹ کے دوسرے جسٹس اطہر من اللہ نے بھی استعفیٰ دے دیا۔
خیال رہے کہ 27 ویں آئینی ترمیم کی منظوری کے بعد آئینی عدالت کا قیام عمل میں لایا جائے گا اور ذرائع کے مطابق جسٹس امین الدین خان آئینی عدالت کے چیف جسٹس ہوں گے۔
