بیجنگ:15 اکتوبر کو برطانوی وزارت خارجہ نے روس کے خلاف پابندیوں کے نئے دور کا اعلان کیا، جس میں 11 چینی کمپنیاں بھی شامل ہیں۔چینی وزارت تجارت کے ترجمان نے اس حوالے سے کہا کہ چین روس کے ساتھ تجارتی تعلق کی بنیاد پر 11 چینی کمپنیوں کے خلاف برطانوی پابندیوں کی سختی سے مخالفت کرتا ہے۔ یوکرینی بحران کے معاملے پر چین نے ہمیشہ قوانین اور ضوابط کے مطابق فوجی اور سویلین دوہری استعمال کی اشیاء کی برآمد پر سختی سے کنٹرول کیا ہے۔تاہم، چینی اور روسی کمپنیوں کے درمیان معمول کا تبادلہ اور تعاون متاثر نہیں ہونا چاہیے۔ حالیہ برطانوی اقدام بین الاقوامی قانون اور اقوام متحدہ کی توثیق کے بغیر یکطرفہ پابندی پر مبنی ہے۔ برطانیہ نے چین کی جانب سے تحفظات اور چین-برطانیہ اقتصادی و تجارتی تعلقات کی مثبت ترقی کے باوجود، چینی کمپنیوں پر پابندیاں لگانے پر اصرار کیا، جس کا چین-برطانیہ اقتصادی و تجارتی تعلقات پر منفی اثر پڑا ہے۔ چین برطانوی فریق سے مطالبہ کرتا ہے کہ وہ چین-برطانیہ اقتصادی اور تجارتی تعاون پر مبنی مفادات کو مدنظر رکھتے ہوئے فوری طور پر اپنی غلط روش کو درست کرے اور متعلقہ چینی اداروں پر عائد پابندیوں کو واپس لے۔ چینی فریق چینی کمپنیوں کے جائز حقوق و مفادات کا سختی سے تحفظ کرے گا۔
