اقوام متحدہ کے سیکرٹری جنرل انتونیو گوترس نے اسرائیل-فلسطین تنازعے کے دو سال پورے ہونے پر ہلاک ہونے والے افراد کی یاد میں ایک بیان میں پرتشدد تنازعہ کو فوری طور پر ختم کرنے کا مطالبہ کیا۔
گوترس نے زور دے کر کہا کہ غزہ کی موجودہ تباہ کن صورتحال انسانی سمجھ سے بالا ترہو چکی ہے۔ انھوں نے تمام فریقوں پر زور دیا کہ وہ فوری طور پر دشمنی بند کریں تاکہ شہریوں کو تنازعہ کے نتیجے میں اپنی جانوں اور مستقبل کی قیمت ادا کرنے سےبچایا جا سکے ۔ انہوں نے اپنے پرزور مطالبہ کا اعادہ کیا کہ "تمام نظربندوں کو فوری اور غیر مشروط طور پر رہا کیا جائے اور سب کی تکالیف ختم کی جائیں۔”
گوتریس نے زور دے کر کہا کہ مستقل جنگ بندی کا حصول اور ایک قابل اعتماد سیاسی عمل کا قیام مزید خونریزی کو روکنے اور علاقائی امن کے حصول کے لیے اہم اقدامات ہیں۔ بین الاقوامی قانون کا احترام کیا جانا چاہیے۔ اقوام متحدہ قیام امن کے عمل کو آگے بڑھانے کے حوالے سے تمام فریقوں کی کوششوں کی بھرپور حمایت کرے گا ۔
