پاکستان کو خطے میں سب سے کم امریکی ٹیرف سے بھرپور فائدہ اٹھانا چاہئے ،عاطف اکرام شیخ

اسلام آباد : صدر ایف پی سی سی آئی عاطف اکرام شیخ نے کہا ہے کہ خطے میں امریکا کی جانب سے سب سے کم ٹیرف سے پاکستان کو بھرپور فائدہ اٹھانا چاہئے ،انڈسٹری کیلئے ٹیکسز اور بجلی و گیس کی بلند قیمتیں کم ٹیرف سے فائدہ اٹھانے میں بڑی رکاوٹ ہیں، خطے کے دیگرممالک کے مقابلے میں زیادہ پیداواری لاگت اس فائدے کو غیر موثر کر سکتی ہے ، حکومت کو فوری طور پر معاملے پر توجہ دے کر صنعتی شعبے کیلئے توانائی قیمتوں میں کمی کرنی چاہئے ۔

جمعرات کو امریکا سے تجارت اور ٹیرف کے حوالے سے اپنے ایک بیان میں صدر ایف پی سی سی آئی عاطف اکرام شیخ نے کہا کہ امریکا کی جانب سے پاکستانی مصنوعات پر خطے میں سب سے کم ٹیرف عائد کیا گیا ہے ، بھارت پر عائد امریکی ٹیرف 50 فیصد ، بنگلہ دیش اور ویت نام پر 20، پاکستان پر 19فیصد ہے ، خطے میں امریکا کی جانب سے سب سے کم ٹیرف سے پاکستان کو بھرپور فائدہ اٹھانا چاہئے ،خطے کے دیگرممالک کے مقابلے میں زیادہ پیداواری لاگت اس فائدے کو غیر موثر کر سکتی ہے ۔ انہوں نے کہا کہ انڈسٹری کیلئے ٹیکسز اور بجلی و گیس کی بلند قیمتیں کم ٹیرف سے فائدہ اٹھانے میں بڑی رکاوٹ ہیں،حکومت کو فوری طور پر معاملے پر توجہ دے کر صنعتی شعبے کیلئے توانائی قیمتوں میں کمی کرنی چاہئے ، پیداواری لاگت میں کمی سے امریکا کو برآمدات خصوصا ٹیکسٹائل ایکسپورٹ میں بڑا اضافہ ممکن ہے، امریکا پاکستان کا سب سے بڑا پارٹنر ہے ،

اس سنہری موقع سے فائدہ اٹھایا جانا چاہئے ۔صدر ایف پی سی سی آئی نے کہا کہ برآمدی شعبے میں سرمایہ کاری ناگزیر ہے ،پاکستان کوفارن ڈائریکٹ انویسٹمنٹ کیلئے سازگار ماحول پیدا کرنا ہوگا،کم ٹیرف، سنگل ڈیجیٹ شرح سود، پائیدار پالیسیاں اور طویل المدتی منصوبہ بندی مسائل کا حل ہے۔