ملتان :جہانگیر خان ترین کی جانب سے خانیوال کے پانچ سرکاری ہائی اور ہائر سیکنڈری سکولز میں کمپیوٹر اور سائنس لیبز کی اپ گریڈیشن کے لئے 8 کروڑ روپے کا خصوصی فنڈ مختص کردیا گیا۔
ترین ایجوکیشن فائونڈیشن کے سی ای او اکبر خان اور ڈپٹی کمشنر خانیوال ڈاکٹر سلمیٰ سلیمان نے ایم او یو پر دستخط کیے، ایم او یو کے تحت ترین ایجوکیشن فائونڈیشن خانیوال کے پانچ ہائی و ہائر سیکنڈری سکولز میں کمپیوٹر و سائنس لیبز اپ گریڈ کریگا۔
اس موقع پر ایڈیشنل ڈپٹی کمشنر جنرل خانیوال غلام مصطفیٰ، سی ای ایجوکیشن خانیوال فیاض احمد سندھو، پروگرام منیجر ترین ایجوکیشن فائونڈیشن محمد یعقوب بھی موجود تھے۔
واضح رہے کہ جہانگیر خان ترین نے دو ماہ قبل خانیوال پبلک سکول اینڈ کالج یونیورسٹی میں کمپوٹر اور سائنس لیب کے افتتاح کے موقع پر خانیوال کے پانچ سرکاری سکولوں میں کمپیوٹر و سائنس لیبز کی اپ گریڈیشن کا اعلان کیا تھا۔
