اگر امریکہ محصولات پر بات چیت چاہتا ہے تو اسے دھمکیاں دینا اور دباؤ ڈالنا بند کرنا چاہیے، چینی وزارت خارجہ

بیجنگ:چین وزارت خارجہ کے ترجمان لین جیئن نے یومیہ پریس کانفرنس میں چین-امریکہ ٹیرف کے معاملے پر بات چیت کے حوالے سے پوچھے گئے سوال کے جواب میں کہا کہ درحقیقت یہ ٹیرف جنگ امریکہ کی جانب سے بھڑکائی گئی ہے ۔

اس حوالے سے چین کا رویہ مستقل اور واضح ہے کہ لڑائی ہو تو آخر تک لڑیں اور بات چیت کریں تو دروازے کھلے رکھیں۔
ترجمان نے کہا کہ حال ہی میں امریکہ نے بارہا چین کے ساتھ مذاکرات کی امید کا اظہار کیا ہے۔ ٹیرف جنگ اور تجارتی جنگ میں کوئی فاتح نہیں ہے۔ اگر امریکہ واقعی اس مسئلے کو بات چیت اور مذاکرات کے ذریعے حل کرنا چاہتا ہے تو اسے دھمکیاں اور دباؤ ڈالنا بند کرنا چاہیے اور چین کے ساتھ برابری، احترام اور باہمی تعاون کی بنیاد پر بات چیت کرنی چاہیے۔