چین انسانی ہمدردی کے امور کو آگے بڑھانے میں اقوام متحدہ کی حمایت کرتا رہےگا، اقوم متحدہ میں نائب چینی مندوب

سلامتی کونسل میں اقوام متحدہ کے ہائی کمشنر برائے مہاجرین (یو این ایچ سی آر) کی جانب سے عالمی پناہ گزینوں کے مسائل پر بریفنگ دی گئی۔ چینی مندوب نے کہا کہ دنیا کے بہت سے خطوں کو سنگین انسانی چیلنجوں کا سامنا ہے ، اور چین یو این ایچ سی آر کے ہیومن کاز کو آگے بڑھانے میں اقوام متحدہ کی مدد جاری رکھے گا۔
اقوام متحدہ میں چین کے نائب مستقل مندوب گینگ شوانگ نے کہا کہ موجودہ بین الاقوامی صورتحال پیچیدہ اور غیر مستحکم ہے، دنیا بھر میں تقریباً 130 ملین افراد جبری طور پر بے گھر ہوئے ہیں اور اس تعداد میں مسلسل 12 سالوں سے اضافہ ہوا ہے۔ گینگ شوانگ نے کہا کہ متعلقہ ممالک کی جانب سے غیر ملکی امداد میں حالیہ کٹوتی اور اس سے دیگر اداروں کی امدادی سرگرمیوں میں انتہائی کمی بلاشبہ پناہ گزینوں کے ریلیف کے امور کو ایک سنگین دھچکا ہے۔انہوں نے کہا کہ چین ترقی یافتہ ممالک پر زور دیتا ہے کہ وہ اپنی ذمہ داریوں کا مظاہرہ کریں، امدادی امور کے وعدوں کو پورا کریں اور پناہ گزینوں کے میزبان ممالک اور کثیر الجہتی انسانی ہمدردی فراہم کرنے والے اداروں کو مزید مدد فراہم کریں۔