غزہ کی پٹی کے شہری دفاعی محکمہ نے بتایا کہ مسلسل اسرائیلی فضائی حملوں میں کم از کم 40 افراد شہید ہوئے، جن میں سے زیادہ تر بے گھر شہریوں کے لیے قائم کیمپوںمیں تھے۔
غزہ کی پٹی کے شہری دفاعی محکمہ کے مطابق اسی روز اسرائیلی افواج کی طرف سے داغے گئے دو میزائلوں نے جنوبی غزہ کے قصبے خان یونس میں متعدد خیموں کو نشانہ بنایا جس کے نتیجے میں کم از کم 16 افراد شہید اور 23 زخمی ہوئے جن میں زیادہ تر خواتین اور بچے تھے۔ اس کے علاوہ اسرائیلی فوج نے مہاواسی، جبلیہ، بیت لہیا، غزہ سٹی اور کئی دیگر مقامات پر بھی حملے کیے۔
اسی دن اسرائیلی دفاعی افواج اور اسرائیل کے جنرل ڈائریکٹوریٹ آف نیشنل سکیورٹی نے اعلان کیا کہ حماس کے لاجسٹک یونٹ کے سربراہ ابو شہر اس دن جنوبی غزہ کے خان یونس میں ایک فضائی حملے میں شہید ہو گئے ہیں۔
