اسلام آباد (آئی پی ایس) سپریم کورٹ کے آٸینی بینچ نے خصوصی عدالتوں میں سویلنز کے ٹرائل کے کیس میں زیرحراست افراد کو عام جیلوں میں منتقل کرنے کی استدعا مسترد کردی۔
تفصیلات کے مطابق منگل کو جسٹس امین الدین خان کی سربراہی میں سات رکنی آئینی بینچ نے خصوصی عدالتوں میں سویلنز کے ٹرائل کے کیس کی سماعت کی۔
اس دوران ایڈیشنل اٹارنی جنرل نے سماعت ملتوی کرنے کی استدعا کر دی۔
مدارس کی رجسٹریشن کے حکومتی مسودے میں کیا ہے؟
ایڈیشنل اٹارنی جنرل نے بتایا کہ وزارت دفاع کے وکیل خواجہ حارث بیمار ہیں، خواجہ حارث کے معدے میں تکلیف ہے، جس کے باعث وہ پیش نہیں ہوسکتے۔
دوران سماعت عدالت نے زیرحراست افراد کو عام جیلوں میں منتقل کرنے کی لطیف کھوسہ کی استدعا مسترد کردی۔
لطیف کھوسہ نے مؤقف اپنایا کہ جیلوں میں کم از کم ملاقات تو ہوسکتی ہے۔
جس پر جسٹس امین الدین خان نے کہا کہ ملاقات کے حوالے سے اٹارنی جنرل یقین دہانی کروا چکے ہیں، مقدمہ سن رہے ہیں فی الحال کسی اور طرف نہ جائیں۔
عدالت نے کیس کی سماعت جمعرات تک ملتوی کر دی۔
