اسلام آباد(آئی پی ایس) میٹا کی زیر ملکیت واٹس ایپ اپنے پلیٹ فارم پر صارف کے تجربے کو بہتر بنانے کے لیے بہت سے نئے فیچرز پر کام کر رہا ہے۔ اب فوری طور پر پیغام رسانی کے ایپلی کیشن واٹس ایپ نے بیٹا ٹیسٹرز کو اسٹیٹس اپ ڈیٹس کے ذریعے صوتی نوٹ شیئر کے فیچر پر بھی کام شروع کردیا ہے۔ فی الحال واٹس ایپ صارفین اسٹیٹس اپ ڈیٹ کے طور پر صرف تصاویر اور ویڈیوز شیئر کر سکتے ہیں۔

واٹس ایپ کو ٹریک کرنے والی ویب سائٹ WABetaInfo نے کہا کہ اس خصوصیت کی بدولت آپ کی پرائیویسی اسیٹنگز کے اندر ترتیب کردہ مخصوص سامعین کے ساتھ اسٹیٹس اپ ڈیٹ کے طور پر صوتی نوٹ (voice note) کو شیئر کیا جاسکتا ہے۔

بیٹا صارفین کے لیے گوگل پلے اسٹور پر دستیاب اینڈرائیڈ 2.23.2.8 اپ ڈیٹ کے لیے تازہ ترین واٹس ایپ بیٹا فراہم کردیا گیا ہے۔

بیٹا ٹیسٹرز اب ٹیکسٹ اسٹیٹس سیکشن میں فیچر تک رسائی حاصل کرکے اسٹیٹس اپ ڈیٹ کے طور پر وائس نوٹ شیئر کرسکتے ہیں۔ میٹا کی ملکیت والی میسجنگ ایپلی کیشن صارفین کو ریکارڈنگ شیئر کرنے سے پہلے اسے ضائع کرنے کی صلاحیت کی پیشکش کر کے مزید کنٹرول فراہم کررہی ہے۔

صوتی نوٹ کے لیے زیادہ سے زیادہ ریکارڈنگ کا وقت 30 سیکنڈ ہے اور لوگوں کو مستقبل میں اسٹیٹس کے ذریعے شیئر کیے گئے صوتی نوٹ سننے کے لیے واٹس ایپ کا تازہ ترین ورژن ڈاؤن لوڈ کرنے کی ضرورت ہوگی۔

یادرہے اسٹیٹس اپ ڈیٹس کے بطور شیئر کردہ صوتی نوٹ ہمیشہ اینڈ ٹو اینڈ انکرپٹڈ ہوتے ہیں، اس بات کو یقینی بناتے ہوئے کہ صرف وہی لوگ سن سکتے ہیں جنہیں آپ اپنی رازداری کی سٹننگ میں منتخب کرتے ہیں۔

تصاویر اور ویڈیوز کی طرح، اسٹیٹس کے ذریعے شیئر کیے گئے صوتی نوٹ 24 گھنٹے کے بعد غائب ہو جاتے ہیں لیکن صارفین کے پاس اسٹیٹس اپ ڈیٹ کے طور پر پوسٹ کیے جانے کے بعد ہر کسی کے لیے صوتی نوٹ حذف کرنے کی صلاحیت بھی ہوتی ہے۔

واٹس ایپ ایک نئے فیچر پر بھی کام کر رہا ہے تاکہ صارفین کے لیے پرانے اینڈرائیڈ ڈیوائسز سے چیٹ ہسٹری کو منتقل کرنا آسان ہو۔ اس فیچر کی مدد سے، آپ کی چیٹ کی سرگزشت کو گوگل ڈرائیو استعمال کیے بغیر کسی نئے اینڈرائیڈ ڈیوائس پر منتقل کرنا ممکن ہو جائے گا، جو آپ کو اپنی چیٹس اور پیغامات کو منتقل کرنے پر مزید کنٹرول فراہم کرے گا۔