فن و فنکار

دی لیجنڈ آف مولا جٹ کی شوٹنگ کے دوران بیمار پڑ گئی تھی ، ماہرہ خان

کراچی (آئی پی ایس )اداکارہ ماہرہ خان نے کہا ہے کہ دی لیجنڈ آف مولا جٹ کی شوٹنگ کے دوران شدید سردی کی وجہ سے وہ بیمار پڑ گئی تھیں۔دی لیجنڈ آف مولا جٹ کی پروڈیوسر عمارہ حکمت نے سوشل میڈیا پرایک پوسٹ شیئر کی ہے جس میں ماہرہ خان نے بتایا ہے کہ ان کے لئے فلم کی شوٹنگ کے دوران سب سے مشکل دن کون سا تھا۔

 

ماہرہ خان نے کہا کہ میرے لئے سب سے مشکل شدید سردیوں میں شوٹنگ تھی۔ شوٹنگ کے لئے ہم لاہور آئے تھے، اس وقت سردی بھی کافی تھی اور بارشیں ہورہی تھیں۔اداکارہ نے بتایا کہ فلم کی شوٹنگ کے دوران میں کانپ رہی تھی۔ اس دن میں بیمار ہوگئی تھی ۔

 

ماہرہ خان نے کہا کہ شدید موسم کے باوجود ہمیں شوٹنگ کرنی تھی اور ہم نے بالاخراپنا کام کیا۔ فواد خان اور میں دونوں کانپ رہے تھے۔ اگرچہ یہ کوئی بڑا اور حیرت انگیز کارنامہ نہیں تھا کیونکہ ہم نے شدید موسم سے بچنے کا انتظام کیا تھا مگر اس کے باوجود بھی یہ بہت برا تجربہ تھا۔

 

اداکارہ نے مزید کہا کہ شوٹنگ کے دوران ان کے ڈائیلاگ بہت مشکل تھے ورنہ کانپتے ہوئے میری پنجابی اتنی اچھی کبھی نہ ہوتی۔دی لیجنڈ آف مولا جٹ 1970 کی دہائی میں بننے والی کامیاب ترین فلم مولا جٹ کا ری میک ہے، اس میں فواد خان، حمزہ علی عباسی، ماہرہ خان اور حمیمہ ملک اداکاری کے جوہر دکھا رہے ہیں۔ فلم کم و بیش 2 برسوں کی تاخیر کے بعد 13 اکتوبر کو ملک بھر میں ریلیز کی جارہی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

Please consider supporting us by disabling your ad blocker