اسلام آباد (قیصر ستی) ناردرن کرکٹ ایسوسی ایشن ونٹر کرکٹ لیگ میں کلاسک کرکٹ کلب نے ایسکو کلب کو تین وکٹوں سے شکست دے کر فائنل میں جگہ بنا لی ہے۔ معید شیخ کی کپتانی می کلاسک کرکٹ کلب کیطرف سے عمدہ بیٹنگ کرتے ہوئے سلمان خان نے نہائت شاندار سنچری (107) بنائی۔ جبکہ اشفاق علی نے شاندار آل راؤنڈ کارکردگی کا مظاہرہ کرتے ہوئے 68 رنز بنائے اور دو کھلاڑیوں کو بھی آؤٹ کیا۔ کلاسک کرکٹ کلب نے دو سو دس رنز کا ہدف آخری اوور کی تیسری گیند پر حاصل کر لیا سلمان خان ایک سو سات رنز بنا کر ٹاپ سکورر رہے ان کی اس تھری فیگر اننگز میں پندرہ چوکے اور دو چھکے شامل تھے۔ سلمان نے ننانوے گیندوں کا سامنا کیا۔ اشفاق علی چھیاسٹھ گیندوں پر اڑسٹھ اور شاہد اسلام انیس رنز کے ساتھ نمایاں رہے۔ غفار نے سینتیس رنز کے عوض تین جبکہ نعمان نذیر اور محسن عباسی نے دو دو وکٹیں حاصل کیں۔ اس سے پہلے مقررہ پینتیس اوورز میں سات وکٹوں کے نقصان پر دو سو دس رنز بنائے۔ عمر نواز خان پچاسی، ارسلان رفیق انچاس، اور نعمان نذیر اکتیس رنز کے ساتھ نمایاں رہے۔ کلاسک کرکٹ کلب کی طرف سے اشفاق علی نے پینتیس رنز کے عوض دو جبکہ کلیم، امیر حمزہ، عاطف خان اور حسن عارف نے ایک ایک وکٹ حاصل کی۔
