بیجنگ : چائنا والنٹئیر سروس فیڈریشن کی تیسری کانگریس بیجنگ میں منعقد ہوئی، جس میں سی پی سی سینٹرل کمیٹی کے جنرل سیکریٹری، چینی صدر اور مرکزی فوجی کمیشن کے چیئرمین شی جن پھنگ کی جانب سے تہنیتی پیغام پڑھ کر سنایا گیا۔
جمعہ کے روز چینی میڈیا کے مطابق شی جن پھنگ نے کانگریس کے انعقاد اور ملک بھر کے رضاکاروں، رضاکارانہ خدمات والی تنظیموں اورمتعلقہ کارکنوں کو مبارکباد دی۔ اپنے تہنیتی پیغام میں شی جن پھنگ نے کہا کہ رضاکارانہ خدمات سماجی ترقی اور تہذیب کی ایک اہم علامت ہیں۔ نئے سفر میں امید ہے کہ تمام رضاکار، رضاکارانہ خدمات والی تنظیمیں اور متعلقہ کارکن قومی حکمت عملیوں، لوگوں کے معیار زندگی کی بہتری اور سماجی نظم و نسق کی خدمت کے سلسلے میں مثبت توانائی فراہم کرنے کی کوشش کریں گے، اور ایک مضبوط ملک کی تعمیر اور قوم کے نشاۃ ثانیہ کے عظیم نصب العین کے لیے اپنی رضاکارانہ خدمات سرانجام دیں گے۔
