اسلام آباد(نیوزڈیسک)راول ڈیم میں پانی کی سطح بلند ہونے پر اسپل ویز چند دنوں میں تیسری بار کھول دیے گئے۔
ایس ڈی او حسن عباس کا کہنا ہے کہ ڈیم میں پانی کی سطح 1751.30 فٹ تک پہنچ گئی، پانی کے لیول کو کم کرکے 1750.50 فٹ کیا جائے گا۔
راول ڈیم انتظامیہ نے کہا کہ ڈیم میں پانی ذخیرہ کرنے کی کل گنجائش 1752 فٹ ہے، پانی کا لیول کم کرنے کے لئے گیارہ بجے تک اسپل ویز اوپن رہیں گے۔
حسن عباس نے بتایا کہ اسپل ویز اوپن کرنے سے قبل سائرن بھی بجائے گئے، سائرن کا مقصد قریبی آبادی اور نشیبی علاقے کے مکینوں کو الرٹ کرنا تھا۔