اہم خبریںپنجابتازہ ترین

لاہور ہائیکورٹ کی عمران خان کو سیکیورٹی کیلئے پولیس سے رجوع کرنے کی ہدایت

لاہور(آئی پی ایس)لاہور ہائی کورٹ نے سیکیورٹی کے لیے پی ٹی آئی چیئرمین عمران خان کو پولیس فوکل پرسن سے رجوع کرنے کی ہدایت کر دی۔

عمران خان کو فول پروف سیکیورٹی اور عدالتوں میں ویڈیو لنک کے ذریعے پیشی کی درخواست پر لاہور ہائی کورٹ میں سماعت ہوئی۔جسٹس عابد عزیز شیخ نے عمران خان کی درخواست پر سماعت کی۔

عدالت نے ویڈیو لنک پر پیشی کے لیے متعلقہ عدالت میں درخواست دینے کی ہدایت کر دی۔سرکاری وکیل نے دلائل عدالت کو بتایا کہ عمران خان کو سابق وزیرِ اعظم کی حیثیت سے پولیس سیکیورٹی مل چکی ہے۔

عدالت نے عمران خان سے مخاطب کرتے ہوئے کہا کہ سیکیورٹی کے لیے مناسب ہے آپ پولیس سے رجوع کریں۔لاہور ہائی کورٹ نے ریمارکس دیتے ہوئے کہا کہ اگر سیکیورٹی واپس لے لی جاتی ہے تو دوبارہ عدالت آجائیں۔

Back to top button

Adblock Detected

Please consider supporting us by disabling your ad blocker