دلچسپملٹی میڈیا

ماحولیاتی بہتری کیلئے گائے کو پوٹی ٹریننگ دی جانے لگی

ماحولیاتی بقا کے لیے سائنس دان گائیوں کو بچوں کی طرح مخصوص جگہ پر گوبر کرنے کی تربیت دے رہے ہیں۔ میڈیا رپورٹ کے مطابق جرمنی سے تعلق رکھنے والے ریسرچر کا ایک گروپ گائیوں کو گوبر کرنے کی تربیت دے رہا ہے۔ اگر آپ بچے کو پوٹی کرنے کی تربیت دے سکتے ہیں تو پھر گائے کو کیوں نہیں؟ اس تھیوری پر عمل پیرا ریسرچرز کا اس بارے میں کہنا ہے کہ اس تجربے کا مقصد مویشیوں کے فضلے کی وجہ سے ہونے والے ماحولیاتی نقصان کا حل تلاش کرنا ہے۔ ایک تحقیق کے مطابق شریک مصنف اور جرمنی کے ریسرچ انسٹی ٹیوٹ فار فارم اینیمل بایو لوجی میں جانوروں کے ماہر نفسیات جین لینگ بین کا کہنا ہے کہ عام طور پر مویشیوں کے بارے میں یہ تصور کیا جاتا ہے کہ وہ بول و براز(پیشاب و گوبر)پر قابو پانے کے اہل نہیں ہوتے۔ فارم میں رہنے والے والے مویشی عموما روزانہ 66 سے 88 پاونڈ فضلہ اور 8 گیلن پیشاب خارج کرتے ہیں، اور یہ کام وہ جہاں دل چاہے کردیتے ہیں۔ تاہم ان کے فضلے کے مٹی میں ملنے سے ماحول پر منفی اثرات مرتب ہوتے ہیں۔ انہوں نے مزید کہا کہ جیسا کہ ہم جانتے ہیں کہ زراعت دنیا بھر میں امونیا کے اخراج کا سب سے بڑا ذریعہ ہے، اور اس میں مویشیوں کی فارمنگ کا حصہ نصف سے زائد ہے، جب کہ یورپ میں خارج ہونے والی 90 فیصد امونیا زراعت سے آتی ہے۔ اگر چہ گائے کے فضلے سے خارج ہونے والی امونیا براہ راست ماحولیاتی تبدیلی میں اپنا حصہ شامل نہیں کرتی، لیکن مٹی کے ساتھ مل کر یہ گرین ہاس گیس نائٹروس آکسائیڈ میں تبدیل ہوجاتی ہے، جس سے مٹی اور آبی راستے آلودہ ہوتے ہیں، گائیوں کو مخصوص جگہ پر گوبر کرنے کی تربیت دینیکا مقصد اس آلودگی سے ماحول اور آبی راستوں کو آلودگی سے بچانا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button

Adblock Detected

Please consider supporting us by disabling your ad blocker